ಭಾವನೆಗಳು ಹೃದಯದಿಂದ......

1. ಸ್ನೇಹ ಸೇತು
ಕಣ್ಣು ಮುಚ್ಚಿ ಕಂಡಾಗ ಕನಸು
ಸ್ನೇಹದ ಕವನಗಳನ್ನೇ ಹಾಡುತಿತ್ತು ಮನಸ್ಸು
ಜೋಪಾನವಾಗಿಟ್ಟ ಮಧುರ ನೆನಪುಗಳ ಬಂಧನದಲ್ಲಿ
ಜೀವವನ್ನೇ ಹಿಡಿದಿಟ್ಟಿತ್ತು ,
ಹೃದಯಗಳ ನಡುವಿನ ಶರ ಬಂಧನದ ಧನುಸ್ಸು....


2. ಬಾಳಿನ ಗೋಳು.....:)
ಹೃದಯದ ಭಾವನೆಗಳಿಗೆ ನೀರೆರೆವ ರೀತಿ
ಪೋಷಿಸಲು ಸಿಕ್ಕ ಸಂಗಾತಿ
ಅರ್ಥೈಸಿಕೊಂಡರೆ ಸಾಕು ಮನಸುಗಳ ಸ್ಥಿತಿ ಗತಿ
ಸಂಸಾರ ಆಗುವುದು ಸಂತಸದೊಂದಿಗೆ ಪ್ರಗತಿ.....











3.ಸ್ನೇಹಕ್ಕೆ ಬೆಲೆ...
 ತುಂತುರು ಹನಿ ಬಿದ್ದಾಗ
 ತಂಪಾಗುವಂತೆ ಈ ಇಳೆ....
 ಚಿನ್ನದಂಥ ಸ್ನೇಹವು ಬಂದಾಗ,
 ಎಲ್ಲ ಮಾತಿಗೂ ಸಿಗುತ್ತೆ ಬೆಲೆ
 ಮನಸಿನ ಭಾವನೆಗಳಿಗೆ
 ಬಂದೆ ಬರುತ್ತವೆ ಹೊಸದೊಂದು ಕಳೆ....!!!

4.ಬರಬಾರದೇ ಇಂಥದೊಂದು ಕನಸು...

 ಕನಸೊಂದು ಕೈ ಹಿಡಿದು
 ಮನಸಿನ ಮೂಲೆಗೆಲ್ಲೋ ಸೆಳೆಯಿತು....
 ಆ ಹಳೆ ಗೆಳೆತನದ ನೆನಪುಗಳ ಹಾದಿ ಹಿಡಿದು
 ನಸುಕಿನವರೆಗೂ ಮನದ ಪುಟಗಳು
 ಹಾಗೆಯೇ ಉಳಿದಿತ್ತು ,
 ಕಳೆದು ಹೋದ ಸಮಯದ ಬಿಂಬಗಳ ತೆರೆದು...!!!!

  

5.ಮನದಾಳದ ಮಾತು....

ಮಾತಿನಲ್ಲಿ ಹೇಳೋ ನೋವುಗಳು,

ಹೃದಯದಲ್ಲಿ ಅಡಗಿರೋದಕ್ಕಿಂತ ಭಿನ್ನ...

ಕನ್ನಡಿಯಂತೆ ಒಳ ಮನಸ ತಿಳಿಯುವವರನ್ನ

ಉಸಿರಿರೋವರೆಗೂ ಜತೆ ಉಳಿಸಿಕೊಂಡಸ್ಟು ಚೆನ್ನ....!!!

6.ನಾಳೆಯ ದಿನದ ಕನಸು...

ದಿನದ ಕ್ಷಣಗಳನ್ನ 

ಮೆಲುಕು ಹಾಕಿಕೊಂಡರೆ 

ಮಲಗೋ ಮುನ್ನ...

ತಿದ್ದಿಕೊಳ್ಳಬಹುದು ನಾಳೆಗೆ 

ಬರದಂತೆ ಕಹಿ ಕ್ಷಣಗಳು ಇನ್ನ....

ಸಿಹಿಗನಸುಗಳೇ ತುಂಬಿರಲಿ ಇರುಳಿಗೆ 

ಹೊತ್ತು ತರಲಿ ಇಂದೇ,

ನಾಳೆಯ ದಿನದ ಆಕಾಂಕ್ಷೆಗಳನ್ನ...